Costihòlas
Centre agricol e industrial de la cinta de Saluces, Costilhòlas, lo paìs di chastèls, es plaçat a drecha del riu Varacha, ente se campa en lo planaut. Terra di Marqués de Saluces, que lo donen en feude a Guglielmo Costanzia (1215), despuei lo 1610 passa ai Savòia, après una corta dominacion francesa.
La Parroquiala de S. Maria Maddalena remonta al principi del '500, e la cripta plaçaa a la basa del cloquier garda preciosas pinturas a fresc de Hans Clemer. Del 1740 es lo palais Giriodi, ente encuei se tròba la Comuna, òbra de Bernardo Vittone, embe importants ingrés e salon. Da navisar decò lo Chastèl Ros e lo Chastelet di Costanzia, soleta vera testimoniança del period tard-medieval de la vila. Sa posicion s’la colina e lo particular clima dòuç permetton de coltivar abricòts, coma la Tonda de Costilhòlas, e uva Quagliano d’ente se fai l’omònim vin d.o.c.
Lo musèu etnografic El Palas presenta una collecion d’aisinas adobraas en agricoltura fins al secle passat, en particular pròpi per la vinha.
Informacions Utilas
Autessa: 476 m
Distança da Coni: 22 km
Merchat setmanier: sande après-merenda
Protector: S. Antòni da Padova, terça diamenja d’Avost
Centres esportius: champs de balon a 5 (ruaa Cerret, champ esportiu), balon a vòl (palestra comunala), champ da bòchas
Servicis: banca, bancomat, farmacia, parcjuècs per mainaas (diferents pòsts), airal picnic (Fontana Carestia, ruaa S. Cristina)
Espòrts d’istaa: promenadas, mtb, ciclisme, equitacion, pescha
Fieras: 14 Març, 10 Mai, 6 Decembre. Darriera diamenja de setembre Sagra de l’Uva Qualhan.
Comuna: tel. 0175/230121