Sant Pèire
Centre toristic ben frequentat per siu plasent clima de mesa montanha, pòlò èsser definit la "capitala" de la Val Varacha.
Resta sot lo Marquesat de Saluces fins a son passatge ai Savòia ental 1601, passant sot nombrós feudataris, coma Gerolamo Vacca e lo Marqués de Luserna (1622).
La parroquiala di Sants Pèire e Paul, que remonta al XV secle, garda de l’estructura originala las navadas dedins, lo portal estrombat e un preciós roson.
Sant Pèire es centre de vacanças e ponch de partença per promenadas e ascensions, coma aquela a las Lòtjas del Viso (3015m). La setgevia duberta sie l’uvern que l’istaa pòrta al manhific valon de Sant’Ana. Al lac artificial sal Varacha se retròbon lhi peschaors apassionats. Ben actius ental sector cultural e toristic son lhi centres de Rore e del Becet, ente tuchi lhi ans la darriera diamenja d’avost se passa lo Cianto Viol (Chanta Viòl), promenada sus lhi viòls embe chants e danças tradicionalas que duron tota la jornaa.
Da visitar lo musèu etnografic.
Informacions Utilas
Autessa: 971 m
Distança da Coni: 50 km
Centres abitats e principalas ruaas: Cap luec, Rore, Becet, Clucheis, Dragonieras, Estentius, Vilar
Protector: S. Pèire e S. Paul (29 junh)
Centres esportius: champs de balon a 5, tennis, balon a vòl (Centre esportiu ruaa Fiandrins e Becet); champ da bòchas
Servicis: bancas, bancomat, farmacia, parcjuècs per mainaas (cap luec), airal picnic (via per S. Ana)
Espòrts d’istaa: promenadas, mtb, ciclisme, equitacion, pescha, ping pong
Espòrts d’uvern: esqui de fons, alpin, esqui alpinisme, chastras, patinatge
Merchat setmanier: venre
Fieras: S. Michel, darriera diamenja de setembre
Comuna: tel. 0175/977.148
Site: www.comune.sampeyre.cn.it
E-mail: info@comune.sampeyre.cn.it