Blins
Blins es, embe Pont e La Chanal, la comuna pus auta de la valada. Comprés ental Comitat d’Auriate, vers la fin del XII secle passa sot lhi Marqués de Saluces, que, ental 1278, lo donen en feude ai Senhors de Venascha, gardant-n’en la jurisdicion. Ental 1601, embe lo tractat de Lion, passa sot lhi dominis di Savòia. Ental 1744 ven devastat dins una batalha entre Piemontés e Franc-Espanhòls. De l’etat medievala resta sonque la parroquiala de S. Jaco, en ruaa la Gleisa.
L'economia es basaa sus l'agricoltura, aquela d'auta montanha, embe producion de sèel, uerge e trifolas. Gracias a las grandas pasturas alpinas s’es desvelopat l’enlevatge de vachas e feas.
De grand interès es lo ric patrimòni de solarias, darrierament restauraas e enserias en un sugestiu e encharmant itinerari. Pròpi al temp e a las solarias es dediat lo musèu en ruaa Celas.
OBSERVATòRI ASTRONòMIC
L’estructura es plaçaa a Mai de Brun, en ruaa Celas. Es estat realizat embe finalitats culturalas, didacticas e divulgativas, completant lo projèct de la valorizacion des anticas solarias.
Per informacions: Comuna de Blins, tel. 0175/95.110
Informacions Utilas
Autessa: 1576 m
Distança da Coni: 66 km
Centres abitats e principalas ruaas: Celas, Gleisa, Chazal, Pleine, Posterle, Prat Fauchier, Ribiera, S. Ana,
Protector: S. Jaco (25 julhet e S. Espirit (premiera diamenja après la Pentecosta)
Centres esportius: champ da bòchas
Servicis: parcjuècs per mainaas (ruaa Fontanil)
Espòrts d’istaa: promenadas, mtb, ciclisme, rampinhada, pescha
Espòrts d’uvern: esqui de fons, alpin, esqui alpinisme, chastras, cascadas de glaç
Comuna: tel. 0175/95.110
Site: www.comune.bellino.cn.it
E-mail: comune.bellino@tiscalinet.it