Brossasc
Lo vilatge de Brossasc es plaçat a manchina del Varacha, ai pè de verds brics (Bric Montfòrt, 1015 m, e Sant Bernard, 1419 m) que formon l’aigavers embe l'auta val del Pò.
Antic possés de lhi Evescos de Turin, que l’avion donat en feude ai Marqués de Busca, ental 1160 deven part del Marquesat de Saluces. Passa sot lhi Savòia ental 1601 e ven donat en feude ai Contes Montauban e après ai Marqués Porporato.
La parroquiala de Sant Andriu, construia ental 1406, garda lo preciós portal gòtic originari. De la mesma epoca es lo cloquier, après restaurat. En ruaa Gilba Sobeirana, en la gleisa de S. Sixte, s’es gardat un cibòri en pèira del 1590. Ben interessanta es decò la Chapèla de Sant Ròc embe pinturas a fresc de la premiera meitat del ‘500 e la chapèla de Sant Bastian da l’autre cant del paìs.
Brossasc es lo centre de l’artisanat del bòsc. Se tròba decò aicì la Pòrta de Val, un “benvengut” per tuchi lhi toristas ente es possible chatar produchs tipics, afitar mudas esportivas, minjar e receure informacions.
La vielha fotografia de Brossasc es de Lorenzo Sismonda.
Informacions Utilas
Autessa: 606 m
Distança da Coni: 33 km
Centres abitats e principalas ruaas: Brossasc, Masuèria, S. Sixte
Protector: S. Andriu (30 Novembre)
Festa patronale: premiera diamenja d’Avost (Madòna de la nèu)
Centres esportius: champs de balon (via provinciala), balon a vòl (palestra comunala); champ da bòchas
Servicis: banca, farmacia, parcjuècs per mainaas (v. Chastèl), airal picnic (lo Tiglieto, via Lo Mèl)
Espòrts d’istaa: mtb, ciclisme
Fieras: 25 abril e 1 Mai (Festa del bòsc)
Comuna: tel. 0175/68.103
Site: www.comune.brossasco.cn.it
E-mail: info@comune.brossasco.cn.it