Chasteldalfin
Centre agricol e de vacanças de l'auta valada, es plaçat dins una conca ente se junhon las vals de La Chanal e de Blins.
Conoissut despuei lo X secle coma S. Eusebi, fasia part di territòris cisalpins del Delfinat de Viena. Umberto II, lo darrier Delfin, ental 1330 fai construir aicì un chastèl (Castrum Delphini), d’ente lo borg pilha son novèl nom quora la popolacion se desplaça aicì (1431). Ental XVI secle es testimòni de duras luchas religiosas al temp de la penetracion valdesa. Lhi Savòia ganhon aicì lhi Francés ental 1628,al temp de la guerra de succession del Montferrat. Estachat al renh de Sardenha embe lo tractat d’Utrecht (1713), ental 1743 deven teatre de violentas batalhas entre lhi Piemontés e lhi Franc-Espanhòls.
Del chastèl resta sonque qualque roïna; sot aqueste se tròba la Chapèla de S. Eusebi embe cloquier a vela (XIV secle). A l’intrada del vilatge, dapè la parroquiala dediaa a S. Marguerita se tròba una tor quadraa.
L'economia, tipicament montana, es basaa sus lo pastratge e la cura di bòscs. Per sa bèla posicion panoramica e sa autessa, Chasteldelfin es ponch de partença per promenadas, sustot al bòsc de l’Alevè, e ascensions (al Mont Viso, Pelvo, Salsa). A un musèu etnografic, lo centre visitas Alevè, e lo centre de documentacion I Santi del Popolo.
Informacions Utilas
Autessa: 1296 m
Distança da Coni: 60 km
Centres abitats e principalas ruaas: Alboin, Bertinas, Caldanas, Toretas
Protector: S. Marguerita, la premiera diamenja de julhet
Centres esportius: champs balon a 5, tennis, balon a vòl (Casermetas); champ da bòchas
Servicis: banca (jòus matin); farmacia (jòus matin), parcjuècs per mainaas (Ibac); airal picnic (Ibac e Toretas)
Espòrts d’istaa: promenadas, mtb, ciclisme, rampinhada, pescha
Espòrts d’uvern: esqui de fons, esqui alpinisme, chastras, cascadas de glaç, patinatge
Merchat setmanier: jòus
Comuna: tel. 0175/95.126
Site: www.comune.casteldelfino.cn.it
E-mail: comune.casteldelfino@mtrade.com