Cusina e produchs tipics
Una cusina antica, richa d’influenças francèsas, da lhi ingredients simples mas singulara per coma buta ensemp sabors e profums tradicionals.
Las Raviòlas, calhetas de tartiflas e formatge conduchaas embe burre fondut, son un gustós plat unic, tipic de l’Auta valada: Kcal 2340!!!
E encara lhi Crotzetins, preparats embe farina de sèl, lo pan dal Mèl e Venascha, lhi dòuç de chastanhas, salams, mel, formages e tomas de l’alp, tuchi produchs que se pòlon tastar en lhi restorants o chatar en las botigas de la valada.
L’agricoltu
ra, un bòt activitat principala en tota la Val Varacha, presenta encuei de curiosas nòvas.
En las Comunas de Verzòl, Costilhòlas e Peasc, mas en part decò fins a Brossasc, es praticaa la fructicoltura entensiva.
Lo merchat de la chastanha de Venascha es un di pus importants d’Italia; aquì venon comercializaas las chastanhas Bracalla, la varietat pus famosa e apreciaa del territòri.
Chal pas desmentiar a Costilhòlas lo Qualhan, vin d.o.c. ros da dòuç que pòrta lo mesme nom de l’uva.
Entre las Comunas dal Mèl e Fraisse nais lo famós e apreciat Tomin dal Mèl, particular formatge a pasta mòla.
Una curiosa particularitat es la coltivacion d’erbas oficinalas a Blins, Chasteldelfin, Fraisse e Mèl embe d’empresas que trabalhon decò ental sector biològic.