Isascha
Plaçat en la val del riu omònim, lo vilatge d’Isascha es lo pus pichòt de la valada, estremat entre lhi bòscs de fraisses e chastanhiers. Possés de Bonifacio del Vasto passa après (1142) ai Marqués de Saluces, que lo donon en feude ai Senhors de Venascha e autres feudataris. Ental 1548 ven estachat al Delfinat de França e ental 1601, embe lo tractat de Lion, passa ai Savòia. Ental 1617, Carlo Emanuele I lo dona, embe titol comital, ai Della Chiesa de Turin. Entre lo 1928 e lo 1947 es estat agregat a la Comuna de Venascha.
S’es gardat sonque qualque rest del chastèl de lhi antics feudataris. La parroquiala, dediaa a S. Maxim, a mantengut de la primitiva gleisa gòtica part de l'absida e las vòutas a crosièra que pòtjon sus dui chapitèls del Quatre Cents.
En la Comuna se tròbon l’Agencia del Bòsc e lo Centre Servicis, distrèct e ponch de rescontre de lhi artisans e menusiers de la Valada.
Informacions Utilas
Autessa: 660 m
Distança da Coni: 34 km
Protector: S. Chafrè, la premiera diamenja de Setembre
Centres esportius: champ da bòchas
Espòrts d’istaa: mtb, ciclisme
Comuna: tel. 0175/456.240
E-mail: isasca@ruparpiemonte.it