Peasc
Peasc es un centre agricol e industrial, plaçat s’la drecha del riu Varacha. Antica estacion de doana per lhi Romans, deven après feude di Senhors de Venascha, d’ente descendon lhi Senhors del Peasc. Ven achatat ental 1252 dai Saluces, que lo tenon fins al 1396. Passat ai Savòia ven infeudat a nombrós senhors, coma lhi Contes de la Roche e lhi Porporati de Sant Pèire.
Testimoniança de l'epoca medievala es la tor civica, maestosa construccion en mons jà cloquier de l'ex gleisa de S. Bastian. L’impausant chastèl di Porporati de Sant Pèire, format da tres còrps plaçats a l’entorn d’una cort embe pòrtics, es estat realizat ental 1655.
Actiu centre al fons de la valada, la seconda diamenja d’octobre organiza una fiera per l’auton. Aicì naisson decò instruments presents en totas las pus grandas orquestras del mond, las arpas Salvi. Al Peasc es estat realizat lo solèt musèu al mond dediat a lor, lo musèu de l’arpa Victor Salvi.
Informacions Utilas
Autessa: 480 m
Distança da Coni: 25 km
Protector: S. Ròc, la premiera diamenja après l'Assompta; S. Filip 26 mai
Centres esportius: piscina; balon a vòl (palestra comunala), champ da bòchas
Servicis: banca, bancomat, farmacia, parcjuècs per mainaas (v. Europa e v. Assandria), airal picnic (ruaa Serraval e ruaa S. Brigida)
Espòrts d’istaa: promenadas, mtb, ciclisme, piscina
Merchat setmanier: venre
Fieras: Sagra d’auton, seconda diamenja d’octobre
Comuna: tel. 0175/79.124
Site: www.comune.piasco.cn.it