Culhia Bolets
NOVEL PAPIER PER LA CULHIA BOLETS
RESERVAT AI RESIDENTS EN VAL VARACHA
La Jonta de la Comunitat de montanha Val Varacha, en actuacion de laLei Regionala 19/08, a instituit un novèl 
papier per la culhia bolets reservat ai residents en las comunas que fan part de la Comunitat de montanha. Lhi residents que lo vòlen obtenir pòlen far un versament de € 15,00, qu’es la meitat del cost del papier regional, e serèn autorizats culhir bolets sonque sal territòri de la Comunitat de montanha Val Varacha.Lo versament va fach sal compte corrent postal 11832128 entestat a la Comunitat de montanha Val Varacha, servici tesoreria, marcant coma causala Tesserino culhia bolets Valle Varaita – anno 2009; la recebuda del versament va gardaa coma atestacion de pagament e presentaa esempi a un document d’identitat en cas de contròls mentre se cuelh. Es decò possible far un versament valid fins a tres ans pagant lo doble o lo triple de l’empòrt anual.
Extract de la Delibera de la Jonta n. 4 del 21/01/2009
Delibera de la Jonta n. 4
LA JONTA
Considerat que:
... omissis
- la successiva L.R. 19/08 relativa al novèl òrdre des Comunitats de Montanha fixa a l’art. 37, comma 2, ponch a) 3) aquò: “facultat de concedre ai residents autorizacions a la culhia di bolets epigeus salvatges, valida sonque sal territòri de la Comunitat de Montanha, après versament d’una chifra que sie al maxim la meitat d’aquela fixaa embe deliberacion de la jonta regionala per la culhia di bolets epigeus salvate sus tot lo territòri regional citat al comma 3 de l’art. 3 de la lei regionala 17 decembre 2007 n. 24 (Tutela di bolets epigeus salvatges); son confermaas las proceduras previstas al mesme article 3”;
... omissis
d e l i b e r a
de servir-se de la facultat de concedre ai residents autorizacions a la culhia di bolets epigeus salvatges, valida sonque sal territòri de la Comunitat de Montanha, après versament d’una chifra que sie al maxim la meitat d’aquela fixaa embe deliberacion de la jonta regionala per la culhia di bolets epigeus salvate sus tot lo territòri regional citat al comma 3 de l’art. 3 de la lei regionala 17 decembre 2007 n. 24 (Tutela di bolets epigeus salvatges) coma fixat da l’art. 3, comma 1 ponch a) 3) de la L.R. 19/08;
... omissis
de donar encara acte qu’al moment l’empòrt anual del versament sobre citat es de €. 15,00/an;
Reglamentacion
Despuèi lo 17 de junh del 2008 es intraa en vigor la nòva normativa regionala per la culhia bolets.
La Region Piemont a fixat en Euro 30,00 lo cost de l’autorizacion per obtenir 
lhi papiers a valor regionala culhia bolets an 2008 que permet la culhia debolets “epigeus” en tot lo Piemont. Las Comunitats de Montanha de la Provincia de Coni an adoptat un reglament comun que preved decò la limitacion ai jorns descobles de la culhia per qui es pas resident en las respectivas Comunitats.
Per la Comunitat de Montana Val Varacha chal entestar lo c.c. parelh:
n° ccp: 11832128
beneficiari: COMUNITA' MONTANA VALLE VARAITA - SAMPEYRE - Servizio Tesoreria.
Causala: “autorizacion regionale culhia bolets anno 2008” o “autorizacion regionale culhia bolets anni 2008-2009” o“autorizacion regionale culhia bolets anni 2008-2009-2010”.
Sus la recebuda del ccp que resta a l’enteressat chalerè estachar darreire una marca da bol da € 14,62 (da anullar) e chalerè reportar luèc e data de naissença d’aquel que fai la requiesta. En cas de contròl serèn demandats en vision un document d’identificacion e la recebuda de versament.
Lei Regionala 24/2007
“Tutela di bolets epigeus salvate” consideracion del cost de l’autorizacion per la culhia bolets sal territòri de la Region Piemont.
LA JONTA
Considerat :
- que la Region Piemont a emanat la L.R. 24/2007 “ Tutela di bolets epigeus salvatges “ que intrarè en vigor lo 17 de junh del 2008;
- que aquesta Lei Regionala a l’art. 3 ponch 2 delega a las Comunitats de Montanha e a las Comunitats de Colina de concedre l’autorizacion a la culhia bolets sal Territòri Regional;
- que per la validitat de l’autorizacion per pus ans, es permés lo pagament en una solucion solèta d’una chifra que cuerbe al maxim tres ans;
- que embe D.G.R n° 56-8866 del 26.05.2008 la Region Piemont a fixat que ai sens de l’art.13 de la L.R. 24/2007 lo cost per l’an 2008 de l’autorizacion a la culhia bolets sal territòri Regional es de € 30,00;
- qu’es necessari aprovar un novèl “Reglament per la culhia bolets en valada” que respecte la L.R.24/07;
DELIBARE
- de prendre acte que embe l’intraa en vigor de la L.R. 24/07 da la data del 17 de junh del 2008 , lo cost de l’autorizacion a la culhia bolets sus tot lo territòri Regional serè de € 30,00, aquesta autorizacion pòl èsser versaa en una solucion solèta per tres ans al maxim;
- de considerar necessaria l’aprovacion d’un novèl “Reglamento per la culhia bolets en valada” que respecte la L.R.24/07;
DESCHARJA LA LEI COMPLETA EN FORMAT PDF »