Pus de 30 cascadas de glaç, 3 estacions d’esquì alpin (Blins, Pont e Sant Pèire), 5 centres d’esquì da fons (Becet de Sant Pèire, Blins, Chasteldelfin, La Chanal e Valmala), 2 pistas downhill per mountain bike (Rossana e Sant Pèire), 1 via ferraa (Blins), 1 Chrono Test Point (Pont), 1 champ da gòlf (Venascha) e nombrós itineraris per chastras, mtb, excursionisme, equitacion, rampinhada; pescha esportiva e no kill, palestras de ròcha, pistas da patinatge en uvern e centres esportius d’istaa. Lo Còl de l’Anhèl, montaa legendaria del Vir d’Italia embe lhi siei 2.748 m, es una esfida que se pòl pas desmentiar per lhi apassionats de bici.
Mas decò lhi menc alenats polerèn pedalar sus lhi nombrós percors e viòls qe corron dins un encharmant paisatge de montanha. Per lhi aimants de la concentracion, lo champ da gòlf a 9 pertuis del Bric de Venascha es lo pòst ideal.
Lo riu Varacha, aimat dai peschaors, a decò un tòc dediat a la pescha no-kill.
Una promenada a caval es ben amusanta, coma una ascension o una rampinhada...
Lhi bòscs de melzes e lhi verds prats aimats d’istaa da lhi excursionistas, l’uvern se cuerbon de blanc, devenent pistas da esquì alpin e da fons o espacis imacolats e silenciós da percorrer embe las chastras.
E per qui aima lo glaç, las miticas cascadas: se pòlon pas perdre!
