Venascha
Centre agricol-industrial e de vacanças, Venascha es ariondaa da bòscs de chastanhiers e es famosa per aqueste fruch, protagonista d’una fiera en auton e d’un merchat cononissut a nivèl nacional. Domini de l’Evesco de Turin jà ental X secle, deven après feude di Contes de Verzòl, ente una brancha prend lo nom Venascha. Aquesti ental 1172 se sotmetton ai Marqués de Saluces. Ental 1601 passa ai Savòia, que l’enfeudon derant ai Paillard (1601) e après ai Porporato (1622). Ental territòri de Venascha se passa, ental 1744, una batalha entre exercits francés e sabaud e ental 1799 entre Francés e Imperials.
La gleisa parroquiala, dediaa a l'Assompta, ven realizaa ental 1765 e es retengua un de lhi exemplars del baròc piemontés. La façada en cuech, a dui òrdres dividuts da una fastosa cornitz, es sobremontaa da un aut tambur embe copòlin. Lo dedins, a planta octagonala, es rich de marmos colorats e garda pinturas a fresc e decoracions de Pietro Antonio Pozzi.
Venascha es decò centre cultural ben actiu; se tròbon aicì l’Institut Musical de la valada, dediat a Don Allemano, e la Fabrica di Sòns, unic centre esperimental italian tot dediat a la musica.
Informacions Utilas
Autessa: 550 m
Distança da Coni: 30 km
Merchat setmanier: luns
Centres abitats e ruaas: Venascha, Bric, S. Lucia
Protector: S. Lucia, 13 decembre
Festa patronala: la terça diamenja de Setembre
Centres esportius: champs de balon a 5, tennis (v. 2 junh), balon a vòl (v. Ruffino), gòlf (Bric), champ da bòchas
Servicis: banca, bancomat, farmacia, airal sosta camper e picnic (via provinciala Venascha – Brossasc), parcjuècs per mainaas (v. Favole)
Espòrts d’istaa: promenadas, mtb, ciclisme, equitacion, rampinhada (palestra via Provinciala), gòlf
Fieras: lo terç luns del mes (bestias), fòra que l’uvern; fiera La Castagna, terça diamenja d’octobre
Comuna: tel. 0175/567.353
E-mail: sindaco.venasca@ruparpiemonte.it