Verzòl
Verzòl es la premiera des catòrze Comunas que formon la valada. Ental secle XI era feude di Senhors de Verzòl per compte de l’Evesco de Turin que n’en avia la senhoria. Passat sot lhi Saluces (1165), totun ven donat coma fardèl de nòças a sa filha da Guglielmo de Verzòl, passant parelh al Marquesat de Ponzone. Ental 1311 ven mai ocupat dai Saluces que lo donen mai en feude ai Verzòl. Ental 1360 deven feude de Bernabò Visconti, mas torna fito al Marquesat de Saluces, embe lo qual passa ai Savòia ental 1601.
Lo chastèl ven fach realizar da Ludovico II de Saluces ental XIV secle: a passta aicì siei darriers ans la veva de Vittorio Emanuele I de Savoia. La construccion en origina era a planta quadraa, embe quatre tors ai cantons: encuei n’en resta sonque una. La gleisa del chastèl, construia ental 1389, garda lo cloquier romanic embe monoforas e biforas e, sus la façada, pinturas a fresc del XVI secle. La gleisa de S. Jaco e S. Filip garda dedins lo font del '300.
Verzòl, embe siei sieis mila abitants, la grands cartiera, las coltivacions de frucha coma kiwi e pèrsis, es encora un paìs vivible. Una curiositat: la tradicion vòl que de la ruaa de Vilanoveta foguesse originaria Griselda, la contadina esposa del nòble Marqués de Saluces, istòria contaa dins una novèla de Boccaccio (Decameron, X, 10). Da visitar son a Palais Drago lo Centre “Rete per il progetto I Sentieri della Libertà” e lo musèu Drago que testimonia la vita de l’omònima familha a la fin de l’Uech Cents.
Informacions Utilas
Autessa: 420 m
Distança da Coni: 25 km
Centres abitats e ruaas: Verzòl, Falicet, Vilanoveta
Protector: Nativitat de Maria, 8 setembre
Centres esportius: champ balon (v. XXV Aprile), tennis (v. S. Bernardo), balon a vòl (v. Europa, Escòla Media), champ da bòchas
Servicis: banca, bancomat, farmacia, parcjuècs per mainaas (v. prov. Saluzzo e Vilanoveta), airal picnic (S. Cristina);
Espòrts d’istaa: promenadas, mtb, ciclisme, rampinhada, ping pong
Merchat setmanier: Mars
Fiere: Darrier mars de març e aquel derant de Desneal; Fiera d’auton, premiera diamenja de novembre
Comuna: tel. 0175/255.111
Site: www.comune.verzuolo.cn.it
E-mail: segreteria@comune.verzuolo.cn.it